Gihatagan sa Lokal nga Panggamhanan sa Alabel, Sarangani Province sa pagpanguna ni Municipal Mayor Vic Paul Salarda, pinaagi sa mga personahe sa Alabel MDRRMO og tag-tunga sa sakong bugas ang mga na-identify nga close contacts sa mga bag-ong COVID-19 Positive Cases sa munisipyo.
Subay sa Social Media Post sa Alabel Municipal Information Office, niadtong Martes, Nobyembre 03, 2020, gipang apod-apod ang tunga sa sakong bugas sa mga naghisgutan. Dugang ayuda usab ang tag- 2 ka food packs sa usa ka pribadong pundok nga adunay sulod nga noodles, canned goods ug tag- 5 kilo nga bugas.
Una nang gibutyag ni Alabel Mayor Vic Paul Salarda nga sa karon base sa ilang record aduna nay 27 ka kaso sa nag positibo sa Covid-19 sa Alabel, sa maong ihap, walo ang aktibong kaso samtang duha ang nakabsan ug kinabuhi.
