KRIMEN SA REHIYON 12, MI-UBOS

36

General Santos City– Mi-ubos ang kriminalidad sa tibuok Rehiyon sa karon kung itandi sa susamang period sa milabay’ng tuig 2019. Kini ang ibutyag ni Police Brig. Gen. Michael John Dubria, Regional Director sa Police Regional Office 12.

Sumala niya nga dako ang nahimong kontribusyon sa nasinatiang covid sa pag-ubos sa krimen gumikan nalimitahan ang lihok sa katawhan ug nawad-an ug higayon ang mga kriminal sa paghimo sa ilahang mga dautang plano.


Sumala niini nga ang pag-ubos sa kriminalidad ang nagpasabot lang nga nagpabilin ang kalinaw ug kahapsay sa tibuok Rehiyon 12. Samtang, gi-angkon ni Police Brig. Gen. Dubria nga daghan gyud ang nagapalag sa mga operasyon sa kapulisan hilabina ang kabanay sa mga mapatay panahon sa operasyon.

Apan giklaro niya nga wala ginatuyo sa kapulisan ang pagpatay kondili igo lang silang naga-depensa sa ilahang kaugalingon batok sa mga target o mga suspek nga naga-sukol sa ginahimo nga mga operasyon. Gani, pamatuod niini ang pulis gikan sa Arakan, North Cotabato nga namatay human napusilan sa suspek nga target sa warrant of arrest operation.(LVR)

Facebook Comments