Mga Comelec Offices sa South Cotabato bukas para sa voters registration umpisa subong nga adlaw.

Ginapalab-ot ni Atty. Jay Gerada, Election Supervisor sang South Cotabato sa mga pumuluyo dire sa probinsya nga nagaumpisa na subong nga adlaw ang voters registration sang Commission on Election bilang preparasyon sa gihapon sa patigayunon nga pagpiniliay sa masunod nga tuig.
Base sa nabaton nila nga kamanduan suno kay Atty. Gerada tubtob lang sa Nobyembre 30 subong nga tuig ang voters registration.
Bukas naman alas 8:00 sang aga tubtob alas 5:00 sang hapon, Lunes tubtob Sabado nga adlaw kag holiday ang mga comelec offices sa probinsya agud nga mag-akumudar sang mga magparehistro kag pareactivate.
Apang paklaro ni Atty Gerada ang indi lang akumudaron sang mga Comelec offices ang pagtransfer sang botante sa isa ka lugar.
Sa mga magparehistro suno pa magdala lang sang birth certificate kag sa magpareactivate ang valid ID.
Samtang nagaedad naman sa 15-anyos pataas ang sarang nga makaparehistro.