Mga contractor sa Mis.Or nga wala magtarung sa ilang trabaho, andam ipatangtang ni Gov. Emano

Andam si Governor Yevgeny Emano nga tangtangon ang mga contractor sa Misamis Oriental kung maapil sa blacklist sa Department of Public Works and Highways o DPWH ilabina kung mapatud-ang wala magtarung sa ilang trabaho.

Gikuhaan pa niini’g basi kaniadtong mayor pa lang kini sa Tagoloan diin naa pud kini gipang blacklist nga mga contractor.

Sa karon, gipaimbistigahan sa opisyal kang Atty. Niel Pacana ang mga contractor sa lalawigan ug kung makitang wala nila gihimo ang ilang trabaho, diretso kining ipatangtang o ipa-blacklist sa gobernador.