Davao City – Mipatala sa kapulisan si alyas Vangie, 42 anyos, nagpuyo Sa Sunshine Village, Barangay Matina Aplaya Davao City. human gibugno sa iyang silingan nga si alyas Sheena.
Sa blotter sa Talomo PNP, nangape si alyas Vangie sa tindahan sa iyang inahan ug kalit nga miabot si alyas Sheena dayong singit singit ug mga maka uwaw nga pulong alas 8:00 sa kabuntagon.
Si alyas Sheena nag-akusar nga gika-‘one night stand’ ni alyas Vangie ang iyang uyab sulod sa usa ka inn.
Misangko sa init nga panaglalis ang engkwentro sa duha hangtud nga nahitabo ang pagnagbugno sa managsilingan.
Nakabaton ang duha og mga bukol, pangos, kinawrasan sa ilang mga dagway ingun man buhok nga nangalarot human magdumog daplin sa karsada.
Ang kasong bugno sa duha ipasang-at sa mga pulis ngadto sa barangay.
RadyoMaN Erin Lumosbog
