Wala nay luna ang mga dautang elemento nga nagplano nga maglusad sa kasamok ning mahal nga adlaw, labina sa Huwebes ug Biyernis Santo.
Gibutyag ni Cagayan de Oro City Police Director, Senior Supt. Robert Roy Bahian, iya na nga gipa-alerto ang kapolisan ning syudad, aron pagseguro nga malinawon ang kasaulogan ning mahal nga adlaw.
Gimando-an usab ni Bahian ang iyang tanang Station Commander, nga ilang ipatuman ang red alert sa ilang tanang Area of Jurisdiction, aron dili makaporma ang mga dautang Elemento nga nagplano nga maghimog kasamok ning mahal nga adlaw.
Lakip sa gipabantayan ni Bahian sa kapolisan, ang mga Pilgrimage sites sama sa Bukid sa Malasag sa Barangay Cugman, Guadalupe sa Barangay Balubal, mga Simbahan ug sa mga populated areas ning syudad, nga maoy dagsa-an sa mga Debotong Romano Katoliko, sa pagbalaan sa Huwebes ug Biyernes Santo.
By; Radyoman Edgar Navarro
