General Santos City—gipresentar sa kapulisan ngadto sa mga miyembro sa Media ug sa publiko ang tulo kamga miyembro sa New People’s Army (NPA) kansa una nang nasikop sa Kapulisan sa Sarangani ug sa 27th Infantry Battalion niadtong Domingo July 30, 2017 sa Maasim, Sarangani Province.
Alas 2:00 ang takna sa adlawng Miyerkules, August 2, 2017 dihang gipresentar ang mga suspek nga silang si Jojo Kolahing Alyas Bunso , Jasmin Atong Sambra alias Tata ug Raymond Mansia Damon alyas Gab, gikaingong mga miyembro sa guerrilla front 73.
Apil nga gipresentar ang mga ebidensyang nakuha gikan sa mga suspek sama nalang sa Ekplusibo, pusil, mga bala, subersibong dukumento ug combat shoes.
Gipakita usab ang Cellphone video nga nagpakita sa training camp sa mga nahisgutan diin gitun-an sa mga sakop sa NPA unsaon magid-arma sa Police Martial nga nagauban sa mga bus nga nagbyahian sa Sarangani ug uban pang lugar sa rehiyon.
Gawas sa Video, aduna usay mga Picture sa ginahimong training sa mga rebeldi.
Naasyran nga target gyud sa operasyon niadtong Domingo mao si JoJo Kolahing kansa adunay 18 ka mga warrant of Arrest sa managlahing kaso. Apil nga gisikop ang duha ka kaubanan niini human nakuhaan ug armas ug eksplosibo.
Sumala ni Police Sr. Supt. Leonardo Suan, PNP Deputy Regional Director for Operation nga ang mga suspek maoy responsabli sa pagpangsunog sa bus sa MAKIMA Area, samtang suspek usab sila sa pagpang harass sa pipila ka lugar sa Sarangani.
Samtang posibling madungagan pa ang kaso sa mga suspek higayon nga ma-identify sa mga biktimang conductor ug driver ang mga nahisgutan.
Sa kasamtangan anaa na sa silda sa kapulisan ang tulo ka mga suspek apan wala gibutyag ni Sr. Supt. Suan kung asa sila nakaditina tungod ug alang sa suguridad sa kapulisan nga naghupot kanila gumikan sa posibling pagpanimalos sa ilang mga kaubanan.
