Gipaubos niadtong miaging adlaw sa mandatory surprise drug test ang mga empleyado sa City Hall ning dakbayan.
Nasayran nga 143 ka mga empleyado sa City Disaster Risk Reduction and Management Department kon C-D-R-R-M-D ang nalakip sa Oplan Linis Bahay sa city hall.
Matud ni C-D-R-R-M-D head Allan Porcadilla, nga gikatakdang ihatag sa P-DEA Reg. 10 ang resulta sa drug test kung aduna bay nagpositibo sa maong mga empleyado.
Samtang
Gipaubos kagahapong adlawa sa surprise drug test ang kapolisan sa Cagayan de Oro City Police Office kon COCPO.
Kini ang gipahibalo ni COCPO spokesperson Chief Insp. Mardy Hortillosa, kinsa miingon nga bisan siya ang nakurat sa kalit nga pagpaubos kanila sa drug test.
Apan gibutyag niini nga wala kini problema alang kanila tungod kay buot lamang nilang masayran sa katawhan nga naningkamot silang mahimong drug free ang kapolisan sa syudad.
Pinaagi matud pa niini, masayran sa katawhan kung naggamit ba o wala sa illegal nga druga ang kapolisan.
Ang kapolisan lamang nga anaa sa bag-o ug daan nga buhatan sa Maharlika Headquarters ang gipaubos sa surprise drug test.
Kini naglangkob na sa City public safety company, tourist police, traffic unit, mobile police unit u gang mga staff sa COCPO.
Gibutyag ni Chief Insp. Hortillosa nga moabot sa 300 ka mga personahe ang gipaubos sa drug test nga gipahigayon sa mga personahe sa scene of the crime operatives kon SOCO.
By: Radyoman Aiza Enloran, and Radyoman Ellag Baculio
