General Santos City—gipailawom sa surpresang Drug test ang mga empleyado sa Local Government Unit sa Glan, Sarangani Province nga gipasiugdagan sa Philippine Drug Enforcement Agency (PDEA)-12 inabagan sa buhatan ni Glan Mayor James “Tata” Yap.
Sumala ni PDEA-12 Regional Director Gil Cesario Castro nga mukabat sa 400 kapin ka mga empleyado sa LGU Glan ang ilang nalailawom sa drug test subay sa request sa mayor sa nasangpit ng lungsod.
Kini kabahin matud pa sa internal cleansing nga ginapatuman karon sa Glan LGU aron masigurong walay empleyado sa lokal nga kagamhanan sa lungsod nga lambigit sa iligal nga druga.
Ang PDEA 12 maoy gi-tap sa mayor nga magpahigayon ug drug test sa ilang mga empleyado tungod aduna silay dakong kapasidad sa paghimo niini.
Sa karon ginahuwat nalang ang resulta sa laboratory test aron nga masayran kung duna bay nagpositibo sa iligal nga druga sa gihimong drug test.
