Ginahangkat ni South Cotabato Provincial Accountant Cynthia Barrientos ang mga empleyado sang Provincial Government nga magbukas sang account sa PAG-IBIG 2 program sang PAG-IBIG fund tungod segurado suno pa ini nga investment kaysa sa mga nagatuluhaw sa subong nga investment scheme kapareho sang KAPA nga ginpasarado ni Presidente Rodrigo Duterte.
Suno kay Barrientos indi man trenta porsyento ang interes kundi yara lang sa 8.48 percent interes sa investment apang ang annual accumulated interes nga mawitdraw sa sulod sang lima ka tuig ang daku man suno pa ang makuha.
Samtang iya ginpaklaro nga ang PAG-IBIG 2 program ang para lang sa mga luyag magsave amo nga iya ginaadvice nga kwaon na nga daan ang savings kag indi pagkatapos na sang tanan nga galastuhan tungod posible wala gid sang bilin.
