Sa interview sa RMN Malaybalay ngadto kang Engr. JR Herbieto, Branch Head sa SSS-Valencia City, gipanawagan niya ang mga employer nga batasanon gayud ang pagremit sa mga contribution sa ilang mga empleyado aron nga dili magkaproblema sa umaabot.
Kini sumala pa tungod kay proteksyon kini sa mga empleyado maong hugot ilang paglakag karon sa mga employer ilabi na nga magpagahi-gahi pag-remit sa mga contribusyon.
Apan mapasalamaton si Engr. Herbieto tungod kay fully-compliant ang kadaghanan sa mga employer ilabi na diri sa probinsya sa Bukidnon.
Gipahibalo usab ni Engr. Herbieto nga nagapahigayon karon ang buhatan og “E-Center sa Barangay” kung asa mamahimo ng muadto ang mga miyembro sa SSS sa ilang barangay nga adunay access sa internet ug muproseso sa ilang mga transaksyon sa buhatan online.
Mamahimo na matud pang magfile sa retirement, maternity, funeral, ug uban pang transaksyon lakip na ang pagbayad online.
Muduol lang sumala pa sa ilang mga barangay nga adunay internet access ug didto buhaton ang mga transaksyon sa SSS aron usab nga malikayan ang pagdasok sa katawhan sa ilang opisina.
