General Santos City–Gihatagan na ug instraksyon ni Gensan City Mayor Ronnel Rivera ang kapulisan, ang business permits and licensing division ug CEMCEDO nga imonitor ang mga establisemento sa dakbayan gumikan sa nadawat nga sumbong gikan sa nagpakabanang citizen nga dunay pipila ka mga establisemento ang wala na migamit ug thermal scanner sa ilang mga customers.
Matud pa sa Mayor nga kinahanglan gayud nga sundon sa mga negosyante ang protocol aron maseguro nga dili na mokoyanap pa ang corona virus sa syudad asa mao kini karun ang ilang ginatutukan.
Samtang gipaniguro usab ni Mayor Rivera, nga himoon nila ang tanan aron nga walay mahitabong lokal transmission sa syudad gani nagbutang na ug BCCF, BHERTS ug uban pa aron makatabang sa pagmonitor sa mga tawo nga nagasulod gawas sa Gensan ilabi na nga nagtaas na ang kaso sa covid sa dakbayan gumikan sa padayong pag-abot sa mga LSI ug ROF.
Asoy pa sa Mayor kung ugaling man dunay lokal transmission ug lockdown sa Gensan gipaklaro niini nga kadto lamang lugar nga dunay infected sa covid ang ilockdown ug dili tanan.
