Pagadian City – Mikabat sa 246 ka mga tinun-an gikan sa elementarya ngadto sa sekondarya ang nakabenipisyo sa libreng lugaw nga giapud-apod sa inyong mga radyoman sa RMN DXPR Pagadian uban ang elemento sa 1st Field Artillery Regiment, Philippine Army.
Ang grupo sayo nga migikan paingon sa Brgy. Tinotongan sakop sa lungsod sa Tukuran arun patagamtamon ang mga estudyante sa init og lamian nga lugaw.
Atol sa pagsaulog sa Araw ng Tinotongan natigayon ang pagpanghatag sa libreng lugaw human sa gihimo nga parada sa mga opisyal sa barangay, magtutudlo, ginikanan ug mga estudayante.
Si Punong Barangay Victoria Pintac mapasalamaton sa grupo sa RMN-DXPR ug 1st FAB uban ang panghinaot nga magpadayon ang maayong inisyatibo nga gimugna alang sa kaayuhan sa kabataan.
