Nagapati naman si Councilor Renecito Novero, ang chairman sang committee on education nga ‘SAFE’ ang mga kabata-an/estudyante kon magapabilin sila sa ila puluy-an.
Ini ang reaksyon ni Novero sa statement ni Dep-Ed Secretary Leonor Briones nga basi sa pagtu-on mas safe kon ang mga bata ang yara sa eskwelahan bangud suno kay Briones ang transmission sang virus ang yara na sa balay.
Paathag ni Novero nga maga-sunod ang local school board kon ano ang mangin mandu sang babaw apang nagapati ang konsehal nga INDI pa ti-on nga ibalik ang face to face learning.
Dugang pa ni Novero nga naggastu na ang gobierno sang minilyon para sa iban nga mode of instruction sa diin dapat ini anay e-maximize ukon gamiton antis liwat paggwa-on ang mga estudyante.
[image: image.png]
