TACLOBAN CITY – Pwede na mag-excuse ha klase an mga estudyante han mga pampubliko nga eskwelahan kun may sakit nga ubo ngan sip-on, ini an iginpahayag ni Jasmin Calzita, an tagapagyakan han DepEd Regional Office 8.
Sumala kan Calzita, usa na nga ground an ubo ngan sip-on agud ma excuse an estudyante ha klase psra masiguro an katalwasan sugad man han mga igkasi estudyante.
Gin-aabisuhan han DepEd nga magpa check-up dayon agud matambal an inaabat nga sakit.
Pahinumdom naman ni Calzita ha mga teachers, nga magdumara hin mga interventions ha mga estudyante nga umabsent para makalanat ha mga waray kaatinderi nga lessons o discusions.
Kun manunumduman ginsuspende na han Department of Education (DepEd) Regional Office 8 an ngatanan nga aktibidadis han mga estudyante ngan teachers yana nga bulan han February dinhi ha aton dapit.
