Malipayon ang mga estudyante sa Kamakawan Elementary School, human nakapahimulos sa feeding program sa RMN Foundation ug nakadawat sa mga vitamin C gikan sa CDO Masonic Lodge 250, Carmen Valley, kagahapong adlawa.
Sa interview sa RMN news kay Atty. Ian Magno, ang worship master sa Masonic 250 Lodge Carmen Valley, nagbutyag nga ang mga gihatagan niini sa balor 1 ka bulan nga vitamin C, katong mga bata nga nakasinati sa severe malnutrition.
Nasayran nga sa Kamakawan Elementary School, mikabat sa 86 ka mga bata ang severe malnourish kinsa nakadawat kagahapong adlawa sa maong mga vitamin C.
Samtang ang dxCC- RMN, nakig tinabangay ngadto sa City Social Welfare and Development Office aron nga makatunol og mga arrozcaldo ngadto sa mga estudyante.
Gumikan niini, mapasalamaton si Mr. Romualdo Bahala, ang Principal sa Kamakawan Elementary School, ngadto sa CDO Masonic Lodge 250 Carmen Valley, ingon man sa RMN Foundation gumikan sa gihatag niini nga bitamina ug pagkaon sa ilang mga estudyante.
