Naistorya na ni Barangay Iponan Kapitan Dondon Illorin ang mga estudyante ug ginikanan sa mga gipangdala sa Marawi aron nga i-recruit.
Matud ni Kapitan Illorin nga anaa sa 64 ka mga bata ang gipangdala sa Marawi aron aghatun nga magpa rehistro sa maong lugar alang sa barangay elections hulip sa kantidad nga 300 ug 250 pesos.
Dugang pa ni Kapitan Illorin nga kining mga bataa wala mananghid sa ginikanan tungod kay una buot niini nga makita ang ground zero ug ang madawat nga kwarta.
Nasayran nga igo lang nga girehistro ang mga bata ug gikuhaan og hulagway ug gibalik na diri sa Cagayan de Oro.
Samtang giklaro ni Barangay Iponan Kapitan Illorin nga walay problema ang kadyut nga pagkawala sa mga bata.
Matud ni Kapitan Illorin kini tungod kay bulontaryo kini nga mikuyog ug walay nagpugos kanila.
Dugang pa niini, nga ang naka-alarming lamang sa maong hitabo kay didto gidala ang mga bata sa lugar nga delikado, nga mao ang lugar sa mga royal blood nga Maute.
Nasayran nga gawas sa mga taga Iponan nga mga bata, adunay mga residente sa Baikingon apan estudyante sa Iponan National High School nga nakauban usab sa Marawi.
