General Santos City—Nagkatag ang mga giingong “extortion letter” gikan sa mga rebeldeng New People’s Army kon NPA dinhi sa rehiyon Dose. Kini ang gibutyag ni Army Lt. Silver Belvis, ang tigpamaba sa 39th Infantry Battalion Philippine Army sa pakighinabi kaniya sa RMN Gensan.
Matud pa niini nga ang pinaka gamay nga kantidad nga ginapangayo sa mga nagpailang mga NPA mao ang kantidad nga P-10,000 sa pagpanguna sa usa ka Kumander Jasmin sa Guerilla Front Committee 53 ngadto sa pipila ka mga indebedwal.
Dugang pa ni Lt. Belvis nga nakuha nila ang maong impormasyon gikan mismo sa pipila nila ka mga tinubdan sa lugar kung asa wala na matud pay ginapili karon ang mga NPA ma pobre man o madatu ilaha ng ginapangayuan.
Kalakip matud pa nga ginapangayuan sa mga rebeldeng NPA ang pipila ka mga pulitiko sa region 12 isip protection money nga sila hilabtan nga musulod sa mga lugar kung asa gikunsidera nilang mga balwarte.
Sa pagsuta matud pa sa military nga ang mga malikom nga pundo kon salapi sa mga rebeldeng NPA gikan sa ilahang pagpangikil sa mgakatawhan ang maoy himuong pundo sa ilahang taliabot nga anibersaryo karong Disyembre 26, 2017.
Kahibaluan nga una ng nagbahad si Pangulong Duterte sa tanang mga katawhan nga likayan ang paghatag og pagsuporta ngadto sa mga komunistang grupo kung dili kini gusto nga iapel sa pagpasaka og kaso unya. (Emir Bariquit)
