PAGADIAN CITY—-GIPANGTANGTANG SA BAG-ONG HEPE SA HIGHWAY PATROL GROUP KON HPG ZAMBOANGA DEL SUR ANG KANHING MGA SAKOP SA FORCE MULTIPLIER NGA NAHIMONG KAABAG SA MGA ORGANIC NGA MAOY NAGAPAHIGAYON OG CHECKPOINT SA MGA NATIONAL HIGHWAY NGA SAKOP SA PROBENSIYA.
SI POLICE SENIOR INSPECTOR JONARD TULORIO NA ANG BAG-ONG MILINGKOD NGA LABAW SA HPG ZAMBOANGA DEL SUR HUMAN NGA IYANG GIHULIPAN ANG KANHING LABAW NIINI NGA SI POLICE SENIOR INSPECTOR DEXTER DIONES NGA KASAMTANGANG GILABAY SA IPIL, ZAMBOANGA SIBUGAY.
SA UNANG ADLAW PALANG NI TULORIO IYANG GIPANGTANGTANG ANG TANANG MGA FORCE MULTIPLIER TUNGOD SA KADAGHAN SA MGA REKLAMONG NAKAABOT NGADTO SA IYANG BUHATAN SAMA NA LANG SA KASONG PAGPANGAYO OG KWARTA NGADTO SA MGA MOTORISTA NGA ILANG MADAKPAN HIGAYON NGA ADUNA SILAY OPERASYON SA KADALANAN.
UWAHING REKLAMONG NAKAABOT SA RMN-DXPR PAGADIAN MAO ANG REKLAMO SA FORCE MULTIPLIER NGA SI NOWE MAYOL BATOK US AKA DRAYBER NGA IYANG GIPARA DIIN MATUD PA SA DRAYBER SIYA GIPANGAYOAN OG PANGAPE NI MAYOL BUGTI SA PAGHATAG SA EXPIRED NA NGA REHISTRO SA SINGLE NGA MOTORSIKLO APAN KINI GIPANGHIMAKAK NI MAYOL NGA MATUD PA BOLUNTARYONG MIHATAG ANG DRAYBER OG WALA MATUD SIYA MANGAYO.
SA KASAMTANGAN MOKABAT LANG SA UNOM KA MGA REGULAR ANG SAKOP KARON SA HPG APAN GIPATIM-AW SA BAG-ONG LABAW NGA MAS MAAYO PA NGA MOTRABAHO SILANG GAMAY RA KAYSA DAGHAN APAN DAGHANG MGA REKLAMO ANG ILANG MADAWAT TUNGOD SA PAGPANGAYO OG KWARTA NGADTO SA MGA motorista. (MEL CORONEL/DXPR NEWS TEAM)
