Pagadian City – Mikabat na sa sobra 9,000 ka healthcare workers og mga frontliners sa tibook Zamboanga Peninsula ang naturukan sa ikaduhang dose sa bakuna kontra Covid-19.
Sa talaan sa Department of Health, Zamboanga Peninsula-Center for Health Development kagahapong adlawa naa na sa 9,670 ka mga frontliners na ang naturukan sa ikaduhang dose sa bakuna.
Sa tibook Zamboanga Peninsula, ang syudad sa Zamboanga ang nakatala og sobra sa 4,000 ka medical frontliners ang naturukan sa ikaduhang sa dose sa bakuna samtang 2,376 usab ang sa Zamboanga del Sur; 1,235 ang sa Zamboanga Sibugay; 1,231 ang sa Zamboanga del Norte; 603 ang sa Isabela, Basilan samtang 139 ang sa Sulu Sanitarium.
Sumala sa DOH-IX, mikabat na sa kinatibuk-ang 30,588 priority healthcare workers og frontliners ang naturukan sa Covid-19 vaccine sa tibook rehiyon.
