Narekober ang mga gamit panggubat nga iya sa mga New Peoples Army kon NPA human nga nakasangka kini sa tropa sa 88th Infantry Battalion, Philippine Army.
Matud ni Cpt. Norven Jay Garcia ang Civil Military Officer sa 88th IB, nga naka-engkwentro sa kasundaluhan ang mga miyembro sa Guerilla Front 6 sa Communist Party of the Philippines – New Peoples Army sa Barangay Santa Felomina, Quezon niadtong Huwebes.
Subay sa report nga nakadawat sa reklamo gikan sa katawhan ang mga otoridad sa gi-ingong pagpangilkil sa mga rebelde hinungdan nga mi-responde kasundaluhan ug natigayon ang 45 minutos nga engkuwentro.
Hinoon walay nasamdan o namatay sa habig sa kasundaluhan samtang gisuta pa ang panig sa NPA.
Narekober sa encounter site ang anti-personnel mine, 50-meter detonating cord, improvised grenade launcher, 2 riffle grenades; 2 solar panel; 2 cignus batteries, medical paraphernalia,bag packs ug mga bugas.
Gipahayag ni Lt. Col. Dante Bermillo, commanding officer sa 88th IB nga ang mao nga insidente pamatood nga nakabsan na sa suporta gikan sa masa ang mga NPA human nga nitalikod kanila.
Subling nag-aghat usab ang CO sa mga NPA nga mubalik sa sabakan sa gobyerno ug pahimuslan ang E-Clip.
