General Santos City—Gukdon matud pa sa Philippine National Police ang mga tawo nga mamugos nga mamaligya ug iligal nga pabuto panahon sa kapaskuhan sama na lang sa mga piccolo watusi ug mga pabuto nga subra sa gitugtan nga kadaghanon sa polbura.
Sumala pa ni Police Supt. Roel Sermese, Deputy City Director for Operation sa General Santos City Police Office nga sa karon wala pa sila nagsugod ug panakop sa mga namaligya ug iligal nga pabuto apan ug aduna na silay makita ila kining sikopon.
Samtang gipaklaro usab ni Sermese nga adunay i-designate ang LGU nga lugar sa oval plaza kung asa mamahimon g makabaligya ug pabuto ang mga lihitimo ug aprobado sa LGU nga mga retailer. (Dave Silagan)
Facebook Comments
