Mga ginikanan giawhag nga mupartisipar sa ‘Brigada Eskwela 2022’

61
Davao City – Giawhag sa Daniel R. Aguinaldo National High School (DRANHS) ang mga ginikanan nga aktibong mupartisipar sa ilang Brigada Eskwela 2022 Kick-off Program sa Agosto 9, 2022 alang sa School Year 2022-2023, isip kabahin sa pagpangandam usab sa face-to-face classes.

Sa ilang promotional video sa ilang Facebook page, naka-schedule alang sa Brigada Eskwela alang sa Senior High School (SHS) gikan Agosto 1-5, Grades 7-9 sa Agosto 8-12 ug Grades 10-12 sa Agosto 15-19, 2022.

Andam usab nga mudawat ang eskwelahan og mga donasyon sama sa silhig, trapo, floor wax, basurahan, garbage bag, mop, dust pan, pintura, balde, planggana, ingon man face mask ug alcohol nga dakong tabang batok Coronavirus Disease 2019 (COVID-19).

Ang Brigada Eskwela Activities nationwide muluntad hangtud Agosto 26, 2022 diin karong tuiga, nagdala kini sa temang “Brigada Eskwela: Tugon sa Hamon ng Ligtas na Balik-Aral”.

RadyoMaN Kirby Manzon

Facebook Comments