ILOILO CITY – Nagpanawagan si Committee on Health Chairman City Councilor Candice Magdalane Tupas sa mga ginikanan ukon guardians nga i-report gilayun ang ila mga kabataan nga nagasuprer sang mental health problem.
Suno kay Tupas ang mga tawo nga may mental health problem nga indi mahatagan sang professional help possible nga maghikog.
Ginapakita sang record sang Iloilo City Police Office (ICPO) nga sugod sadtong 2015 tubtob subong may 22 na ka suicide incidents kag lima ka attempted suicide sa syudad.
Pinakalamharon diri ang naga-edad sang 14 anyos.
Ginpahayag ni Tupas nga ang suicide isa sa nagataas nga problema indi lang sa Pilipinas kundi sa bug-os nga kalibutan.
Pila sa mga rason diri amo ang nervous breakdown kag problema sa pamilya.
