Patay ang tulo ka mga lalaking gituohang sakop sateroristang Maute-ISIS group, atol sa operasyon sa militar ug kapulisan, kadlawon kagahapon, sa Barangay Lumba Punod, lungsod sa Pantar, Lanao del Norte.
Wala maila ang duha ka mga lalaki apan ang isa kanila nailang si OmarDaiser, matud pa ni Police Senior InspectorMohammad Doro, hepe sa Pantar Municipal Police Station.
Si Daiser residente sa nasangpit nga lugar ug mismong ang mga pamilya maoy nag-ila kaniya, matud pa ni Doro.
Base sa report sa 1st Infantry Division, mag- serve unta ogwarrant of arrest ang tropa sa 4th Mechanize Infantry Battalion ngadto kang Daiser alang sa kaso’ng robbery with homicide dihang misukol kini kauban ang iyang duha ka mga sakop.
Na-recover sa mga utoridad ang mga tag-as sa kalibreng armas nga gigamit sa tulo pagsukol ngadto sa arrestingteam.
Miingon si Brigadier General William Alunday, commander sa Joint Task Group Lanao del Norte, nga si Daiser usa kaeskapo gikan sa Marawi City Jail niadtong pagsugod sa giyera sa Marawi, mikuyog sa mga terorista ug gihimongcontact person sa ISIS sa Pantar.
Matud pa ni Alunday nga Ilado usab si Daiser nga illegal drug user ug pusher ug follower ni kanhi Marawi City Mayor Solitario Ali, kinsa usa sa mga naa sa listahan ni Presidente Rodrigo Duterte nga nalambigit sa ginadiling droga. ( Divina M. Suson )
