Ginapaidalom na sa seminar/training ang mga government offices kag subong man mga private establishements dire sa probinsya sang South Cotabato angot sa implementasyon sang South Cotabato COVID-19 Contact Tracing System, suno kay Governor Reynaldo Tamayo Jr.
Suno sa iya mangin digital kag manual logbooking ang ipatuman base naman sa naaprobahan nga ordinansa sang Sangguniang Panlalawigan nga nangin okey naman suno pa sa iya.
May-angot sini, suno kay Governor Tamayo target nila nga syento porsyento na nga mapatuman sa bug-os nga probinsya ang SCCTS ordinance matapos nga ang pipila ka banwa kapareho sang Tupi kag magasunod ang Tampakan kag Polomolok nga syento porsyento na ang implementasyon sang SCCTS.
Samtang bwas nga adlaw natalana nga ilunsar sang provincial government ang South Cotabato COVID-19 Contact Tracing System sa banwa sang Tampakan.
Ang SCCTS ang isa ka klase sang contact tracing nga gamiton agud mapadasig ang pagpangita sa mga nakaupod sang isa ka pasyenti sa tion nga magpositibo ini sa COVID-19.
