Mga health worker sa Marikina City, sisimulan nang bakunahan

Tiniyak ni Marikina City Mayor Marcy Teodoro na tuloy na ang pagbabakuna sa mga health workers bukas.

Ito ay matapos na dumating pasado alas-7:00 ng gabi sa Metropac Movers Storage facility sa Marikina City ang bakuna ng Sinovac ng China.

Ayon kay Mayor Teodoro, handa na ang may 70% mga health workers na magpapabakuna bukas kung saan ang natitirang 30% ay pinakiusapan nila na magpabakuna na rin dahil wala silang dapat na ipangamba dahil ligtas naman ang naturang vaccine.


Paliwanag ng alkalde, wala rin dapat ipag-aalala ang publiko sa pag- iimbakan ng Sinovac vaccine sa storage facility dahil mayroong kapasidad ito ng hanggang 500-milyong doses ng bakuna.

Giit pa ni Mayor Teodoro, huwag na umanong hintayin ang gusto o napipisil nilang brand ng bakuna dahil ang mas mahalaga ay ang kanilang proteksyon at kaligtasan upang huwag hawaan ng COVID-19.

Facebook Comments