Ginahanda na sang gobyerno probinsyal sang Negros Occidental ang logistical requirement sa pagbaton sang COVID-19 vaccines gikan sa DOH.
Suno kay provincial administrator Atty. Rayfrando Diaz ang amo ang maga sugat sang vaccines nga maga-abot sa Bacolod Silay Airport sa diin ang ginahanda amo ang transport carrier, security, cold storage, vaccination card sa maga pa bakuna kag iban pa nga kinahanglanon.
Sa Huwebes patigayunon ang ceremonial vaccination sa Teresita Jalandoni Provincial Hospital sa Silay City.
Sa pihak nga bahin ginsiling ni Dr. Jane Juanico, DOH Region 6 nga kapin sa 1,600 ka doses sang Sinovac vaccines ang gina tigana sa Negros Occidental sa apat ka priority hospitals. Ini amo ang Provincial hospital, Cadiz District hospital, Lorenzo Zayco district hospital kag Valladolid District hospital.
Ginklaro man ni Juanico nga pwede makapabakuna ang mga government officials tungod ini ang para gid lamang sa mga health frontliners. Ginapaabot karon ukon buas ang pag-abot sang vaccines diri sa probinsya.
[image: image.png]
