Gilahugay karon ang mga police station commander ug opisyal sa kapolisan sa Misamis Oriental Provincial Police Office kon MOPPO isip kabahin sa kamandoan sa Philippine National Police.
Gipahayag ni MOPPO Spokesperson Senior Insp. Arlyne Ranario nga gipatuman ang lahugay niadtong Disyembre siete.
Tungod niini, si Police Chief Insp. Dennis delos Santos sa Jasaan Police Station ang mahimong hepe sa Balingoan Police Station; si Police Senior Insp. Noel Gabriel sa Balingoan ang gibalhin sa Initao; si Police Senior Insp. Mohammad Arthur Sakiran sa Initao, ang gibalhin sa second PMFC.
Gibalhin usab si Police Senior Insp. Cris Cadeliña sa second PMFC ngadto sa Lugait isip deputy chief; si Police Senior Insp. Dennis Ebsolo sa Provincial Headquarters ang bag-ong hepe sa Jasaan Police Station, samtang nagbaylo usab og area silang Police Supt. Elias Hampac sa PHQ ug Gingoog City Police Station Police Supt. Ariel Pontillas.
Nasayrang gisugdan ang lahugay niadtong Disyembre sais kung asa si Police Senior Insp. Ivan Charles Abastillas sa Naawan ang gibalhin sa second PMFC; si Police Senior Insp. Eddie Akut sa Alubijid ang gibalhin sa Gingoog Police Station.
Si Police Senior Insp. Roberto Cambi nga hepe sa Balingasag ang gibalhin sa Naawan; si Police Senior Insp. Rorye Tabuclin sa Initao ang anaa karon sa second PMFC; Police Insp. Ramil Langala sa Medina ang gibalhin sa Tagoloan isip deputy chief; Police Insp. Jules King Litanon sa second PMFC ang gibalhin sa Villanueva isip deputy chief; Police Insp. Rene Calabria sa Sugbongcogon ang gibalhin sa Balingasag isip deputy chief.
Gibalhin usab sa Alubijid PNP si Police Senior Insp. Lister Ceriales; Police Senior Insp. Ismael Virgil Gundaya sa Balingasag ug Police Senior Insp. Arnold Sala isip hepe sa Medina.
Gipahibalo usab ni Ranario nga ang maong kamandoan gikan sa kinatas-an ug gisunod lamang sa MOPPO ilabina nga nga pila na usab ka tuig nga nagserbisyo ang maong mga polis sa ilang mga unit.
