Gi-reshuffle ni City Director Senior Supt. Nelson Aganon ang iyang mga police key officials sa Cagayan de Oro City Police Office kon COCPO ug kini nga reshuffling, miepekto kagahapong adlawa.
Unang apektado sa iyang revamp ni Aganon, ang mga police station commanders sa cocpo.
Nasayran nga si Senior Insp. Rogie Ortencio maoy bag-ong station chief sa Police Station 1 Divisoria; Senior Insp. Dennis Quindara sa station 2 Cogon; Chief Insp. Julius Clark Prisco Macariola sa station 3 Agora;  Chief Insp. Ian Borinaga sa station 4 Carmen; Chief Insp. Abdul Alim Sumandar sa station 6 Puerto; Senior Insp. Stephen Benbian Latar sa station 5 Macabalan; Senior Insp. Breccia Ruth Townend sa station 7 Bulua; Senior Insp. Jerson Estanilla sa station 8 Lumbia; Senior Insp. Teodoro de Oro sa station 9 Macasandig  ug Senior Insp. Alan Cairel sa station 10 sa Cugman.
Si chief Insp. Evan Viñas nga hepe sa Puerto Police, mao na karon ang officer In charge sa Administration sa COCPO; Chief Insp. Excyllo Alcantara nga hepe sa station 4 Carmen ang mibalik sa pagka-hepe sa Cagayan de Oro Drug Enforcement Unit kon CDEU.
Gikabutyag nga si Chief Insp. Ericson Sabanal ang bag-ong hepe sa Tourist Police Unit samtang si Senior Insp. Rustico Galagala, ang bag-ong officer in-charge sa City Intelligence Management Branch.
Gi-reshuffle usab ni Aganon, ang ubang hepe sa special Unit sa COCPO ug ang mga deputy commander sa mga police station ning syudad.
Matud ni Supt. Mardy Hortillosa, Spokesman sa COCPO nga ang pag-reshuffle sa mga police key officials ning syudad walay kalabutan sa umaabot nga election sa Mayo.
Gipahayag ni Hortillosa nga gipatuman lang ni Aganon ang memorandum order gikan sa Camp Crame nga nagmando nga kadtong mga police officials nga wala pay ilang basic Investigation course ang gipulihan sa ilang mga katungdanan.
Â
