Nag-negatibo man sa corona virus disease – COVID-19 ang 19 ka mga himata nga may yara sang close contact kay Bacolod Patient 9.
Si Patient 9, ang 62 anyus nga babayi nga taga-Purok Bayanihan, Barangay Banago, yara sa stable condition kag naka-facility quarantined.
Sa contact tracing sang City Health Office, si Patient 9 ang naka-atubang sa 22 ka persona sa diin 19 diri ang nag-negatibo sa COVID-19 (3 pending).
Suno kay Mayor Bing Leonardia nga ang lockdown ang sa Purok Bayanihan, Barangay Banago ang magatapos pa sa Mayo 10.
Samtang, maga-tapos bwas nga adlaw (May 6) ang lockdown sa Purok Sabes, Barangay Villamonte sa diin naga-istar si Bacolod Patient 8 nga napatay kag nangin positibo sa corona virus.
Madumduman nga si Patient 8, ang 69 ayus nga lalaki nga napatay tuga sang respiratory failure kag acquired pneumonia sadtung Abril 9 sa Corazon Locsin Montelibano Memorial Regional Hospital.
Kapin sa 24 ang naka-close contact kay Patient 8 sa diin nag-gwa na ang resulta ila sang swab test; 9 ka himata ang nag-negatibo, anum ka persona s sa ila lugar nga gin-swab test ang nag negative man sa corona virus kag ang 9 ka mga health workers nga nag-atubang sa pasyente. (total – 24 negative results).
[image: image.png]
