Gipahimangnoan ni Police Regional Office 10 Director Chief Supt. Timoteo Pacleb ang kapolisan sa rehiyon nga dili siya magpanuko sa pagsilot ilabina kadtong kulang sa kahibalo sa pagpahigayon og police patrol visibility sa ilang tagsa-tagsa ka area of responsibility.
Kini ang pahimangno ni Diretor Pacleb, human gi-relieve sa pwesto ang hepe sa Macasandig Police Station ning syudad nga si Senior Insp. Julius Saluta kauban ang duha niini ka sakop.
Mahinumdoman, nga nasapon sa akto sa maong director ang duha ka sakop ni Senior Insp. Saluta nga nagtulog-tulog sa patrol samtang mihimo sa ilang patrol visibility sa Macasandig ning dakbayan.
Gani, wala pa makaila sa maong P-N-P 10 director ang duha ka pulis dihang iya kining gisita atol sa ilang pagtulog-tulog.
By: RadyoMaN Ellah Baculio
