*General Santos City— Aminado si Dr. Antonio Marin, labaw sa City Veterinary Office Gensan nga apektado na gyud ang mga hog raisers sa dakbayan gumikan sa African Swine Fever kon ASF.*
*Nauna matud pang gipatawag ni Presidente Rodrigo Duterte sa malakanyang ang mga hog raiser aron nga mahan-ay ang mga palisiya hilabina sa pagbaligya sa mga karneng baboy ug bisan na ang mga buhi.*
*Kung asa sulod matud pa sa halos usa ka buan nga lockdown sa ubang lokal nga panggamhanan, dili muubos sa 20mil nga mga baboy na ang natanggong nga mabaligya rason nga adunay imbalance sa mga karne tungod sa Gensan, nanghinobra ang mga karneng baboy.*
*Dugang pamahayag ni Dr. Marin nga ang mga hog raisers sa kasamtangan ang nangita na usab ug pamaagi aron nga dili mausik ang ilahang supply nga karne ug dili mag-oversized ang mga binuhing baboy.*
*Pagpaklaro niya nga dapat adunay himuong lakang ang Department Of Agriculture ug DILG aron nga dili maproktuhan ang mga hograiser gumikan kadaghanan sa mga LGU ang nag-lockdown na ug dili na magpasulod ug mga karne.*
*Alang kaniya nga ang dapat tugutang makasulod ang mga suplay nga kanreng baboy gikan sa Gensan gumikan nagpabilin mang ASF free ang dakbayan, gani andam matud pa sila magcertify sa tanang karneng baboy nga mugawas sa gensan nga ASF free aron lang masigurong dili maapektuhan ang ekonomiya sa dakbayan tungod sa bahad sa ASF.*
