By: Joanna Ricote
Gipa ilalom na sa code white alert sa Department of Health Region 10 o DOH-X ang mga hospital sa tibuok rehiyon.
Matud ni Dr. Nimfa Torrizo, ang Regional Director sa DOH-X, nga gipatuman niini ang code white niadtong December 16, 2017 ug mulungtad sa Enero 6 tuig 2018.
Kini nagpasabot nga ang tanang personahe sa hospital ang on call, ilabina nga umaabot ang pagtabo sa bag-ong tuig, kung asa sagad nga dagsaan ang hospital sa mga tawo nga mabuthan sa pabuto.
Basi sa datus sa DOH-X, adunay pagkunhod sa 56% ang ihap sa nga nabuthan sa rehiyon 10 sa tuig 2016, kung itandi niadtong tuig 2015.
Samtang, niadtong December 19, gilusad sa DOH-X ang ilang kampanya nga Iwas Pqaputok, kung asa ilang gi-aghat ang katawhan nga likayan ang pagpabuto imbes mag obserba nalang sa himuon nga community firework aron malikay sa kadaot nga hatud sa pagpabuto.
