Gi-inspeksyon sa Regulatory and Complaint Board kon R-C-B ang mga inns, motels ug mga hotels sa Cagayan de oro kagahapon isip preparasyon sa selebrasyon sa Valentines day karong adlawa.
Matud ni Atty. Egay Uy, Head sa R-C-B nga kini aron hatagan og pahimangno ang management sa maong mga hotels nga did-an ang mga menor de edad nga mosulod sa ilang establisyemento.
Ang bisan kinsa nga dili mosunod sa maong regulasyon ang mag-atubang sa kasong paglapas sa city ordinance.
Miuban sa inspeksyon silang Mr. Antonio Resma, Jr. Inspectorate Team Leader sa RCB, City Councilor Jay Roa Pascual nga maoy chairman sa Committee on Tourism, City Prosecutor Atty. Charisse Galarrita-Bitoon, mga personahe sa National Bureau of Investigation gipangulohan ni Atty. Chemene Nacua, Cagayan de Oro City Police Office nga gipangulohan ni Police Supt. Isaias Bacurnay, Jr. ug uban pang miyembro sa RCB.
