May inisyal na sila nga plano suno kay Dr.Rogelio Aturdido Jr., Provincial Health Officer sang South Cotabato kon ano ang ibutang sa kada floor sang itukod nga 4-storey building sang Provincial Hospital, matapos nga pormal nga ginpatigayon ang groundbreaking ceremony kahapon nga adlaw.
Sa ila plano ibutang ang ward sa third floor sang nasambit nga building nga may-yara sang 100 bed capacity.
Apang suno kay Dr. Aturdido ini ang ila pa nga ipinalisar pa sa ipatigayon nga pagsinapol sa Pebrero 26 kon bala idayon pa ang pagbutang sang basement nga posible maumpisahan ang construction sa bulan sang Marso ukon Abril.
Nagalab-ot naman sa P200 million ang inisyal nga budget sa 4-storey building, apang nangayo pa ang provincial government sang dugang nga P150 million kay Senador JV Ejercito, Senate Chairman sang Committee on Health para sa completion sang building kag equipments.
May-angot sini, nagalaum si Dr. Aturdido nga mangin solusyon ini sa kagutok sa balay bululngan tungod magluwas sa dugang nga building, may expansion man sa pipila ka government hospital sa mga kabanwahanan kag paghimo nga regional hospital sa Upper Valley Community Hospital sa banwa sang Surallah sa diin ginpatigayon man ang groundbreaking sa itukod nga dugang nga building kahapon nga adlaw nga nagakantidad sang P148 million.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
