Ipatuman sang Provincial Treasurers Office sang South Cotabato ang pagpanaug sang buwis sa mga idle land ukon mga lupa nga wala ginagamit kag wala gin-improve sang tag-iya ukon sang nakabakal.
Subong nga tuig suno kay Provincial Treasurer Alvim Batol umpisahan nila upod ang mga municipal kag provincial assessor’s office ang inventory sa mga idle land dire sa probinsya.
May-angot sini, ginaawhag niya ang mga pumuluyo nga kon mahimo gamiton ang lupa agud nga indi malakip sa papanaugan nila sang idle land tax.
Ang nasambit nga tikang nila suno kay Batol ang base sa Atricle 2.b sang 2017 revenue code sang South Cotabato nga pagpanaug sang 5 percent idle land tax kag kabahin man sang ila nga target subong nga tuig nga mapataas ang tax collection sang probinsya.
