Malaybalay City, Bukidnon – Giklaro sa Department of Social Welfare and Development kon DSWD region 10 nga dili pa mamahimong mubalik ang mga internally displaced person kon IDPs sa Marawi City nga apektado sa bakbakan taliwala sa pagdeklara ni Pangulong Rodrigo Duterte nga liberated o gawasnon na ang siyudad gikan sa mga terorista.
Sa interview sa RMN Malaybalay ngadto kang Jamila Taha, ang disaster grievance officer sa DSWD Region 10 gibutyag niini nga ang gipasabot ni Pangulong nga liberated kon gawasnon na ang Marawi gikan sa mga terorista ug wala nagpasabot nga mamahimong nang balikan ang mga lugar nga gibiyaan sa IDP’s.
Matud ni Taha nga sigun sa Task Force Marawi, taas pa nga panahon ang igugol para sa clearing operation.
Gipasabot ninii nga dili pa mamahimong balikan ang mga balay ilabina sa main battle area tungod sa posibilidad nga aduna kini mga Improviesd Explosive Device kon IED.
Gawas niini sigun ni Taha nga wala pa usab nahuman ang balay nga balhinan sa mga IDP’s.
Lauman matud pa kining mahuman sa katapusang bahin sa bulan sa Nobyembre.
