Mga ‘illegally parked’ nga salakyan, dapat tutukan sang BTAO – Councilor Ramos

Maga-file sang resolusyon si Councilor Dindo Ramos – ang chairman sang committee on transportation angot sa pagpangkakas sang Bacolod Traffic Authority Office – BTAO sang mga salakyan nga yara sa kilid sang dalan.

Suno kay Ramos nga dapat tutukan sang BTAO kag City Legal Office ang mga salakyan nga madugay na nga guba ukon naga-luko na apang ginabay-an sagihapon sang tag-iya sa mga dalanon.

Samtang, gina-duso man sang konsehal ang pag-privatize sang towing, clamping kag impounding services.


Paathag ni Ramos nga kon ang isa ka private company ang maga-operate sang towing and clamping services, mas malikawan ang pamulitika bangud nga kon may yara sang nadakpan ang enforcement team sang syudad, madamo ang nagapalapit sa mga city officials agud magpangayo sang bulig ukon magpagawad sang ila salakyan.

Facebook Comments