Nagpadayon karon ang pagpatuman sa mga infrastructure projects sa tibook Northern Mindanao.
Matud ni DPWH-10 Regional Information Officer Vinah Maghinay, nga magpadayon ang mga proyekto ubos sa ilang buhatan bisan adunay COVID-19 pandemic.
Apan gibutyag niini, nga adunay mga gipatuman ug gi-obserbar nga safety guidelines alang sa mga workers sa construction site.
Gani sa Bukidnon, lakip sa tulo ka dagkong proyektong gipatuman sa DPWH ang east-west lateral road sa Damay-Kalabugao section; Maluko section ug ang Mangima-Agusan Canyon bypass road.
Samtang…..
Hapit na usab nahuman ang duha ka proyekto nga mao ang Valencia bypass road ug Malaybalay bypass road.
Dugang pa ni Maghinay, nga gagmay na lamang nga trabaho ang gihimo niini karon.
Gani, matawag na nga passable ang maong proyekto apan aduna pay gamay nga gitrabaho sama sa 300 meters half lane ang wala pa nasemento, tungod sa right of way nga isyu samtang ang usa ang drainage na lang ang kulang.
