Andam alang sa intensity 8 nga linog ang mga istruktura sa syudad.
Kini ang gipaniguro ni Engr. Rolando Pacuribot, ang City Engineer sa syudad, atoll sa gipahigayong press conference.
Matud ni Engr. Pacuribot, nga atoll sa linog niadtong milabayng adlaw, wala nakita nga crack sa tanang building sa City hall, gawas sa mga tunghaan nga gipangtukod sama sa Bugo National High School ug Lapasan National High School.
Apan gi klaro ni Engr. Pacuribot nga wala kini nagliki gumikan kay duol kini sa fault line nga nahimutang sa Tagoloan, Misamis Oriental.
Nasayran nga gibahin ni Engr. Pacuribot ang iyang grupo alang sa gihimong inspection, ang Office of Building Official maoy gitahasan nga mususi sa mga pribadong establisyemento, samtang ang City Engineers Office maoy mususi sa mga buhatan sa gobyerno, ug ang CDRRMC maoy mu-rescue alang niadtong mga nag panic gumikan sa linog.
Matud ni Engr. Pacuribot nga kagahapong adlawa, gipagawas sa Department of Public Works and Highway ang certificate nga luwas gamiton ang mga tulay sa CDO, luyo nga niadtong milabayng mga linog, adunay nakita nga crack sa JR Borja Bridge.
Samtang, gi klaro ni Engr. Isidro Obligado sa City Building Office nga luwas ug walay major damage ang mga mall ning syudad, sama sa centrio mall.
Kini human nga mga naguba nga floor tiles ug walling lang ang nahimong damage sa maong mall atoll sa linog, apan wala ma unsa ang auxillary part sa building sama sa colom, beam ug foundation niini.
Dugang pa nga mikabat sa 6 ka mga tawo sa call center nga teleperformance ang natalang nag collapse human nagpanic sa maong linog.
