Gitabangan karon sa dxCC-RMN Cagayan de Oro ang mga iyaan nga nag-atiman sa duha ka menor de edad nga gibaligya sa ilang inahan sa internet.
Kini pinaagi sa pag-assist aron mapasakaan og kasong child abuse ang 35 anyos nga inahan.
Sa interview ni RadyoMaN Zaldy Ocon sa programang Straight to the point karong buntag, gibutyag sa mga iyaan nga niadtong Enero ning tuiga narescue sa pamilya uban ang City Social Welfare and Development ug cyber crime unit sa PNP Region 10 ang kwatro anyos ug singko anyos nga mga biktima.
Nasayran nga gawas sa duha ka mga bata duna pay laing 17 anyos nga anak ang suspek nga gibaligya gihapon niini ang mga law-ay nga hulagway pinaagi sa internet.
Facebook Comments
