Natapos gyud sa 403 ka mga studyante sa Butuan City ang tulo ka adlaw nga Junior Police Training diin kagahapon, Oktubre 25 gipahigayon ang Closing Ceremony.
Ang maong ihap parehong mga Junior ug Senior High school students gikan sa 31 ka mga pampublikong tulonghaan sa syudad.
Ang 1st batch sa Junior Police ning rehiyon ang opisyal kining gipailalom sa ‘Class Bukana’ kun Butuanong Kabataan na Nagkakaisa, samtang ang “Mangarap Ka,” mao ang ilang class song.
Subay niini gipaniguro sa BCPO nga tinuig nga ipahigayon ang maong matang sa training sa pakig-alayon ngadto na sa Department of Education.
Kining maong proyekto ang inisyatiba ni Butuan City Police Director PCol. Albert Magno aron nga ma-train ug paghatag ug dugang kahibalo sa mga kabataan nga posibleng mamahimong leader sa umaabot
Sila si PNP Caraga Regional Director PBGen. Joselito Esquivel, Jr.; 402nd Brigade Commander Col. Mauricio Licudine, City Mayor Ronnie Vicente Lagnada ug DepEd Jr. Police Focal Person, Emelio Makiling ang nagsilbing guest speakers.
Madumduman nga ang maong 3-Day Junior Police Boot Camp 2019 ang gipahigayon sa Taligaman National High School, Butuan City [image: jr pnpp.jpg]
