Sarangani Province- Nangandam na karon ang probinsya sa Sarangani sa pagbisita sa mga Justices sa Korte Suprema bulan sa Septembre alang sa programa gitawag nga EJOW *(e-jaw)* kon Enhanced Justice on Wheels.
Segun ni Attorney Jasmin Lood, ang clerk of court sa Office of the Clerk of Court sa Regional Trial Court sa Sarangani Province, mubisita ang mga kadagkuan sa Supreme Court aron sutaon ang implementasyon sa JOWS kon Justice on Wheels nga dugay ng gipatuman dakog tabang aron paspas nga ma-resolba ang mga kaso hilabi na sa kabus nga mga binilanggo og mga reklamante.
Ang Justice on Wheels ang programa sa Korte Suprema og gipatuman sa Provincial Government sa Sarangani ginapahigayon ang mga court hearing sulod mismo sa usa ka gidesinyong bus gaadto sa mga munisipyo aron dili na malisdan sa transportasyon ang mga partidos.
Gitawag nga Enhanced Justice on Wheels tungod kay sa maong adlaw, daghan ang mamahimong ihatag nga serbisyo ngadto sa mga piniriso, dili lang mediation kon paghusay kundili apil na ang free legal consultation nga ipahigayon sulod sa Sarangani Provincial Jail sa Baluntay kauban ang PAO o Public Attorney’s Office, Integrated Bar of the Philippines – I.B.P., og Sarangani Provincial Legal Office.
May ipatigayon pud nga medical, dental og optical mission maka-benepisyo ang mga binilangggo, ipahigayon sa Malapatan Gym. May ipahigayon usab nga legal education ngadto sa mga barangay official og myembro sa Lupong Tagapamayapa sulod sa Alabel Gym.
Gawas sa JOWS, upat na ka sala sa Regional Trial Court ang nag-operate sa Sarangani Province, nahimutang sulod sa Sarangani Capitol, gipangunahan ni Executive Judge Bill Ybarley, masiguro na ang walay langay nga pagtaral sa mga kaso.
