MGA KABATAAN GI-AWHAG NA USAB NGA APILAN ANG STUDY NOW PAY LATER PROGRAM SA SARANGANI PAINGON JAPAN

19

Nanawagan na usab karon ang Provincial Government sa Sarangani sa pakig-alayon sa PESO kon Public Employment Service Office sa pito (7) ka munisipo, nga apilan sa mga kabataan ang orientation og examination sa study now pay later program sa P.N.T.C. kon Philippine Nippon Technical College matigayon karon ng adlaw nga Byernes, Pebrero 15, alas otso sa buntag (8am), sa may Senior Citizens Hall sa munisipyo sa Alabel.

Mao kini kadtong mag-OJT kon on the job training sa nasud Japan sulod sa lima (5) na katuig, ilang i-aplay ang ilang natun-an sa gipatuon kanila nga skills training, sama sa welding, machining, autoCAD, electronics and electrical, gantry crane operation, automotive, og forklift operation.

Pinasahi ang programa nga gisugdan ni Governor Steve Chiongbian Solon tuig 2008 pa sa pakig-partner sa PNTC, tungod kay bisan gikonsidera nga intern ang mga kabataang trainee apan may madawat na sila nga Traynta Mil ka pesos (P30k) paingon na One Hundred Thousand Pesos (P100k) nga binulang allowance.

Abli kini sa mga babaye og lalaki nga nag-edad 19 hangtud 26 anyos. At least high school og vocational graduate ang sa lalaki, sa babae at least college graduate, og importante nga ang tanan ang walay tattoo sa lawas, samtang ang ilang gitas-on ang dili muubos 5’2. Muadto lang karong February 15 sa Alabel Senior Citizens Hall, alas otso sa buntag, og magdalag biodata, notebook, ballpen, og kopya sa birth certificate.

Facebook Comments