gipahalipayan sa konseho sa Cagayan de Oro ubos ni Bise Mayor Kikang Uy ang mga Kagay-anong nikampeon sa gipahigayong Rodeo Festival 2018 sa Masbate City, Bicol Region.
Ang kalihokan gihimo niadtong Abril 10-14, 2018.
Kini gisalmotan sa Team Mapawa C-D-O sa professional category ug mga tinun-an sa Xavier University o X-U sa student category.
Nakuha sa mga tinun-an sa X-U ang Grand Slam Champion samtang Champion usab ang grupo sa Mapawa.
Gisagop sa konseho ang usa ka resolusyon alang sa maong katuyuan nga gipaluyohan nila Konsehal Annie Daba, Suzette Magtajas-Daba ug Jay Pascual.
Matud ni Daba kinsa maoy chairman sa komite sa Agrikultura nga dakong garbo ug dungog sa syudad ang kalampusan nga nakuha sa mga Kagay-anong cowboys.
Facebook Comments
