Baliguain, ZDN-Nakasibat na ang responsable sa pagpamutol sa kahoy ug mismo mga ginabas nga nga kahoyng Tangili ang naabtan sa kapulisan sa lungsod sa Baliguian, ZDN.
Kini human naagian sa mga sakop sa PNP Baliguian sa pagpanguna ni PSI Dominador M. Dalion ang kasamtangang hepe sa maong lungsod samtang naghimo kini sila ug pagpatrolya sa may brgy. Kilalaban, lungsod sa Baliguian, ZDN.
Ilang nakuha ang 5 kabuok nga 1x8x12 nga sukod sa kahoyng Tangili, gibana-banang dili mo ubos sa 40ft. ang illegal nga pagpamutol sa maong kahoy.
Posible matod pa nga gibiyaan kini sa nagputol human naka matikod nga nagpadulong ang mga pulis nga nagpatrolya sa maong dapit.
Anaa na karon sa kustodiya sa PNP baliguian ang mga nakuha nga kahoy alang sa tukmang disposasyon.
