Gipaboluntaryo na ni House Committee on Dangerous Drugs Chairman Robert Ace Barbers ang mga kandidato sa Barangay ug Sangguniang Kabataan o S-K Elections nga mopaubos sa drug test.
Plano sa kongresista nga mosulat sa Commission on Elections o COMELEC aron mohatag sa timeline ang mga kandidato sa Barangay ug SK Elections, para sa ilang voluntary drug testing.
Gipangayo usab ni Barbers nga boluntaryong ipasa sa mga kandidato ang resulta sa ilang drug test alang sa documentation ug publication.
Girekomenda usab ni Barbers sa Department of the Interior and Local Government o D-I-L-G nga papirmahon sa covenant ang mga kandidato kung asa ilang kundinahon ang iligal nga droga ingonman ang pagsiguro nga dili sila suportado sa sindikato sa droga.
Niapela usab ang kongresista sa publiko nga mag-amping sa mga piliong iboto sa Barangay ug SK Elections. web photo
