Ginpaidalom sa briefing sang Provincial Comelec Office South Cotabato ang tanan nga mga kandidato sa provincial level nga magpapili sa nagahilapit nga midterm election sa bulan sang Mayo.
Lakip sa mga gintalakay ang mga bawal kag dapat nga himuon partikular na ang kadakuon, lugar nga butangan sang ila nga mga campaign materials, political ads sa radyo, telebisyon kag bisan sa social media.
Ginplastar man sa mga kandidato ang mga dapat pa nga i-comply nga requirements pagkatapos sang eleksyon nga amo ang pagfile nila sang statement of contribution and expenditure pierdi man ukon daug.
Ang nasambit nga tikang sang Comelec South Cotabato ang tungod sa natalana na nga pag-umpisa sang campaign period sa local level sa Marso 29.
Samtang lakip sa kwestyon sang pipila ka kandidato kon ano ang mangin depensa nila kon ang nagbutang sang ila nga campaign materials sa indi designated common poster areas ang kontra nila sa posisyon.
Sabat naman ni Atty. Duque Kadatuan, Provincial Election Supervisor sang South Cotabato nga pabal-on man sila nga mga kandidato kag kon indi makakas sa sulod sang tatlo ka adlaw buot silingon nakahibalo sila.
