Ginareview na lang sa subong sang provincial legal office ang sabat sang provincial government sang South Cotabato sa ginfile nga petition for declaratory relief sa Korte sang Blaan Indigenous Cultural Communities nga halin sa banwa sang Tampakan kag Bongmal sang Davao del Sur nga nagakwestyon sa legalidad sa pagban sang open pit mining method sa probinsya.
Ini ang nangin kumpirmasyon ni South Cotabato Governor Daisy Avance Fuentes matapos nga nakabaton na sila sang summon halin sa korte angot sa nasambit nga declaratory case.
Suno kay Governor Fuentes lakip sa depensa sang lokal nga panggobyerno ang angot sa wala pa nalift nga administrative order nga nagaban sang open pit mining method sa bug-os nga pungsod, constitutional provision nga may kahilabtanan sa general welfare nga kon tugutan ang amo nga klase sang metodo sa pagmina madamo ang maapektuhan kag delikado sa mga pumuluyo kag iban pa.
Samtang nagapati ang opisyal nga madugayan pa antes nga madesisyunan ang nasambit nga kaso.
